लालची जनप्रतिनिधि !
फाेटाे/ https://steemit.com/investing/@thecryptochannel/will-you-be-a-millionaire-if-you-are-greedy विकास रोकामगर । पोखरा ‘राजा त फेरि आउँछ होला है जेठान !’ एक साँझ खाना खाँदाखाँदै ज्वाइँले फ्याट्ट सोधेका थिए मलाई । गीतसंगीतमा रुचि थियो उनको । पढ्नु भनेपछि दश हात पर भाग्ने । तर गितार समाएर गुन्गुनाउन आधा रातसम्म पनि नथाक्ने । समसामायिक विषय या मुद्दा या अन्य कुरा खासै थाहा नभएको वा रुचि नभएको जस्तो व्यवहार गरिरहन्थे । तर त्यो साँझ बेप्रसंग राजा ‘आउँछ कि नाइँ’ होइन, ‘आउँछै नै’ जसरी कुरा राखे मलाई । उनलाई एउटा भ्रम थियो, ‘जेठान मिडियामा हुनुहुन्छ । उहाँलाई जम्मै थाहा छ ।’ त्यस दिन मैले बडो अच्चमित पारामा भनेको थिएँ, ‘राजा हटाउन तेत्रा मान्छे मरे । अहिले देश संघीयतामा गइसक्यो । राजतन्त्र मरिसक्यो । मरिसकेको फिरी जिउँदो हुन्च ? कसले भन्यो नचाइने कुरा दुक्क हुनुस् क्यै गरी आउँदैन ?’ ‘युट्युबमा त त्यै भन्छ त अनि । युट्युबभभरि त्यै राजा फिरी आउँछ भन्ने कुरामात्रै छ ।’ ज्वाइँको साना होइनन् । उचाइले सँगसँगै हौं । तर उमेरले म केही जेठो र उनको मामाको छोरो भएकालेमात्रै मैले ज...
