कविता
अखबारका चिसा समाचार पढेर अल्छिलाग्दो पारामा ब्युँझन्छ – देश । पहिलो पानामा देखिन्छे एउटा सानी केटी जसले लगाएकी छे–चेप्टो चस्मा आधा मुस्कुराएकी छे । राताे रंगमा उभिएकी उसलाई क्याप्सनमा लेखिएको हुन्छ – सरकार न्याय देऊ । अर्को दिन त्यही पत्रिकाले गाउँछ सत्ताको गुनगान, खुसी बनाउँछ मालिलाई । भरे खुसुक्क धन्यवाद पाउँछ, स्याबास पाउँछ । पत्रकार खुसी हुँदै भन्छ – ‘हस्, हुन्छ भइहाल्छ सरकार....’ यसरी चलिरहेको छ – देशको वर्तमान ।
